Білім басқармасының Әдістемелік орталығы мен Шымкент қаласы прокуратурасының 2026 жылғы 29 сәуірдегі №2-40-26-05391 хатына сәйкес, 9 мамыр – Жеңіс күні мерекесіне орай 6–11 сынып оқушылары арасында «Батырлар ерлігі – ұрпаққа өнеге» тақырыбында жалпық

«Батырлар ерлігі – ұрпаққа өнеге»

Шымкент қаласы білім басқармасына қарасты А.Макаренко атындағы №41 мектеп-лицейінде Білім басқармасының Әдістемелік орталығы мен Шымкент қаласы прокуратурасының 2026 жылғы 29 сәуірдегі №2-40-26-05391 хатына сәйкес, 9 мамыр – Жеңіс күні мерекесіне орай 6–11 сынып оқушылары арасында «Батырлар ерлігі – ұрпаққа өнеге» тақырыбында жалпықалалық диктант жазу жұмысы ұйымдастырылып, өткізілді.

Аталған тағылымды іс-шараның басты мақсаты – жас ұрпақтың бойына отансүйгіштік қасиетті сіңіру, тарихи сананы қалыптастыру, Ұлы Жеңістің маңызын ұғындыру және батыр бабаларымыздың ерлігін үлгі ету.

Диктант жазу барысында оқушылар Жеңіс жолында жанын қиған қаһарман батырлардың ерлігі туралы тағылымды мәтінмен танысып, өз ойларын сауатты жеткізуге, тарихи танымын кеңейтуге мүмкіндік алды. Бұл жұмыс оқушылардың сауаттылығын арттырып қана қоймай, ел тарихына деген құрметін де нығайтты.

А.Макаренко атындағы №41 мектеп-лицейінің 6–11 сынып оқушылары аталған диктантқа белсенді қатысып, жоғары жауапкершілік танытты. Іс-шара өз деңгейінде ұйымдастырылып, тәрбиелік маңызы жоғары мазмұнды жұмыс ретінде өткізілді.