Қазақ халқының ұлттық мұрасы – күй өнерін дәріптеу, жас ұрпақтың рухани-мәдени құндылықтарға деген қызығушылығын арттыру мақсатында А. Макаренко атындағы №41 мектеп-лицейінде «Күй күмбірі» тақырыбында мәдени іс-шара өткізілді.

 «Күй күмбірі»

Қазақ халқының ұлттық мұрасы – күй өнерін дәріптеу, жас ұрпақтың рухани-мәдени құндылықтарға деген қызығушылығын арттыру мақсатында А. Макаренко атындағы №41 мектеп-лицейінде «Күй күмбірі» тақырыбында мәдени іс-шара өткізілді.

Аталған іс-шара барысында мектеп оқушылары қазақтың халық күйлерін домбыра аспабында орындап, ұлттық өнерге деген құрметтерін көрсетті. Оқушылардың орындау шеберлігі мен сахна мәдениеті жоғары деңгейде көрініс тауып, көрермендерге ерекше әсер сыйлады.

Іс-шараның негізгі мақсаты – білім алушылардың эстетикалық талғамын қалыптастыру, ұлттық өнерге деген сүйіспеншілігін арттыру, сондай-ақ дәстүрлі музыкалық мұраны насихаттау болып табылады.

Шара барысында орындалған күйлер арқылы қазақ халқының тарихы мен мәдениеті кеңінен насихатталып, жас ұрпақтың бойында патриоттық сезім қалыптастыруға ықпал етті.

Аталған іс-шара өз деңгейінде ұйымдастырылып, қатысушылар мен көрермендер тарапынан жоғары бағасын алды.