А.Макаренко атындағы №41 мектеп-лицейінің оқушысы Молдабаев Азамат U-Vision олимпиадасында жоғары нәтиже көрсетіп, жеңімпаз атанды.

Білім додасындағы жарқын жеңіс!

Шымкент қаласы білім басқармасына қарасты А.Макаренко атындағы №41 мектеп-лицейінің оқушысы Молдабаев Азамат U-Vision олимпиадасында жоғары нәтиже көрсетіп, жеңімпаз атанды.

U-Vision олимпиадасы Кенжеғали Сағадиев атындағы Халықаралық бизнес университеті жанынан ұйымдастырылып, 2025 жылғы 6 қарашадан 2026 жылғы 17 сәуір аралығында өтті. Олимпиада 4 кезеңнен тұрып, қатысушылардың теориялық білімін ғана емес, оны тәжірибеде қолдану қабілетін жан-жақты бағалауға бағытталды.

Білім сайысына 1200 үміткер қатысып, іріктеу нәтижесінде финалдық кезеңге тек 40 қатысушы жолдама алды. Финалда оқу жеңілдіктері мен білім гранттары сарапқа салынды.

Нәтижесінде А.Макаренко атындағы №41 мектеп-лицейінің оқушысы Молдабаев Азамат терең білімі мен білімін тәжірибеде тиімді қолдана білуінің арқасында үздік нәтиже көрсетіп, білім грантын жеңіп алды.

Бұл — оқушымыздың табандылығы мен үздіксіз ізденісінің, сондай-ақ ұстаздар еңбегінің жарқын жемісі.

А.Макаренко атындағы №41 мектеп-лицейі үшін бұл — үлкен мақтаныш!

Оқушымызды шын жүректен құттықтай отырып, алдағы уақытта да жаңа белестерді бағындырып, толағай табыстарға жете беруіне тілектеспіз!