Мектебімізде 8-сынып оқушыларына арналған «Стреске қарсы эмоционалдық тұрақтылықты қалыптастыру» тақырыбында психологиялық тренинг өткізілді.

Шымкент қаласы білім басқармасына қарасты А.Макаренко атындағы №41 мектеп-лицейінде 8-сынып оқушыларына арналған «Стреске қарсы эмоционалдық тұрақтылықты қалыптастыру» тақырыбында психологиялық тренинг өткізілді. Тренингті мектеп психологы Н.Б. Исаханова ұйымдастырып, жүргізді.

Шараның негізгі мақсаты – жасөспірімдерге стрестің пайда болу себептерін түсіндіру, оны жеңу жолдарын үйрету және эмоционалдық тұрақтылықты дамытуға бағытталған практикалық дағдыларды қалыптастыру.

Тренинг барысында 8-сынып оқушылары тыныс алу жаттығулары, релаксациялық әдістер, өзін-өзі тыныштандыру техникасы, сондай-ақ стресстік жағдайды дұрыс қабылдау мен басқару жолдарын тәжірибе жүзінде орындады.

Тренинг жылы әрі сенімді атмосферада өтті. Қатысушылар алған білімдерін күнделікті өмірде қолдануға болатынын айтып, өз сезімдерімен жұмыс істеудің маңыздылығын атап өтті.