Мектебімізде 10-сынып оқушыларына арналған «Интернеттегі жасырын топтар: алдау әдістерін тану және қауіпсіздік» тақырыбында ақпараттық-профилактикалық тренинг өткізілді.

Шымкент қаласы білім басқармасына қарасты А.Макаренко атындағы №41 мектеп-лицейінде 10-сынып оқушыларына арналған «Интернеттегі жасырын топтар: алдау әдістерін тану және қауіпсіздік» тақырыбында ақпараттық-профилактикалық тренинг өткізілді. Тренингті мектеп психологы Н.Б. Исаханова жүргізді.

Шараның мақсаты – оқушыларды интернеттегі қауіпті жасырын топтар, манипуляция тәсілдері, фейк ақпараттар және алаяқтық схемалары туралы хабардар ету, алдау әдістерін тану дағдыларын қалыптастыру және онлайн қауіпсіздік мәдениетін күшейту.

Тренинг барысында 10-сынып оқушылары:

 • интернеттегі жасырын қауымдастықтардың қалай жұмыс істейтіні;

 • бөгде адамдардың сенімге кіру тактикалары;

 • психологиялық манипуляция белгілері;

 • жалған парақшаларды анықтау жолдары;

 • өз деректерін қорғау әдістері;

 • күмәнді топтардан, чаттардан, хабарламалардан қалай сақтану керек

сияқты маңызды ақпараттармен танысты.