А.Макаренко атындағы №41 мектеп-лицейінің 11-сынып оқушысы Зайцева Ульяна жалпы білім беретін пәндер бойынша республикалық олимпиаданың қорытынды кезеңінде «Орыс тілі мен әдебиеті» пәні бойынша жүлделі ІІ орынды иеленіп, ІІ дәрежелі дипломмен марапат

 Республикалық олимпиададағы кезекті жеңіс!

Шымкент қаласы білім басқармасына қарасты А.Макаренко атындағы №41 мектеп-лицейінің 11-сынып оқушысы Зайцева Ульяна жалпы білім беретін пәндер бойынша республикалық олимпиаданың қорытынды кезеңінде «Орыс тілі мен әдебиеті» пәні бойынша жүлделі ІІ орынды иеленіп, ІІ дәрежелі дипломмен марапатталды.

Бұл – білім мен еңбектің, табандылық пен ізденістің жарқын жемісі. Оқушымыздың республикалық деңгейде жоғары нәтиже көрсетуі – мектеп ұжымының жүйелі жұмысы мен сапалы білім беруінің айқын дәлелі.

Жүлдегер шәкіртіміздің жетекшісі – тәжірибелі ұстаз Мирзасалиева Людмила Ивановна. Ұстаз бен шәкірттің бірлескен еңбегі осындай биік белестерге жетелеп отыр.

А.Макаренко атындағы №41 мектеп-лицейінің ұжымы Зайцева Ульянаны және жетекшісі Мирзасалиева Людмила Ивановнаны жоғары жетістіктерімен шын жүректен құттықтайды!

Жеңістеріңіз көп болсын, алар асуларыңыз биік болсын!