📌 АТА-АНАЛАРҒА АРНАЛҒАН ЖАДЫНАМА Балаларды терезеден құлаудан қалай қорғау керек

 АТА-АНАЛАРҒА АРНАЛҒАН ЖАДЫНАМА

Балаларды терезеден құлаудан қалай қорғау керек

 Кішкентай балаларды қараусыз қалдырмаңыз. Тіпті шұғыл түрде сыртқа шығу қажет болса да, көршілеріңізден балаға қарауын сұраңыз. Балаларды ұзақ уақыт бойы үлкен балалардың қарауына қалдыруға болмайды. Баланың қауіпсіздігі – ата-ананың тікелей міндеті.

 Бала терезе алдына шыға алмауы үшін жиһазды (диван, орындық, үстел және т.б.) терезеден алыстатыңыз.

 Москит торларына сенбеңіз! Олар құлаудан қорғауға арналмаған.

 Терезелерге арнайы бекіткіштер мен балаларға арналған құлыптар орнатыңыз. Олар терезені бірнеше сантиметрден артық ашуға мүмкіндік бермейді.

 Ашық терезенің қауіптілігі туралы балалармен үнемі түсіндіру жұмыстарын жүргізіңіз.

 Егер арнайы бекіткіш орнату мүмкін болмаса, терезені тек қажетті жағдайда ғана ашып, тұтқасын алып тастауды немесе қауіпсіз режимде пайдалануды қарастырыңыз.

⸻

 Құрметті ата-аналар мен қамқоршылар!

Есіңізде болсын:

 Заң бойынша ата-аналар балаларының өмірі мен денсаулығына, қауіпсіздігіне қамқорлық жасауға міндетті.

 Балалардың терезеден құлау фактілері бойынша қылмыстық жауапкершілік қарастырылған:

 Қазақстан Республикасының Қылмыстық кодексі 119-бап – «Қауiптi жағдайда қалдыру».

Өмiрiне немесе денсаулығына қауiп төнген жағдайда адамды көрiнеу көмексiз қалдыру – айыппұл салуға, түзеу жұмыстарына, қоғамдық жұмыстарға тартуға немесе қамауға алуға әкеп соғады.

 Қазақстан Республикасының Қылмыстық кодексі 141-бап – «Балалардың өмiрi мен денсаулығының қауiпсiздiгiн қамтамасыз ету жөнiндегi мiндеттердi тиісінше орындамау».

⸻

 Баланың қауіпсіздігі – әр ата-ананың басты жауапкершілігі.

Бір сәттік немқұрайлылық орны толмас өкінішке әкелуі мүмкін.