№41 мектеп-лицейінде «Сыбайлас жемқорлыққа жол жоқ» тақырыбында 5–6–7 сыныптар арасында сынып сағаттары өткізілді 📚✨

А. Макаренко атындағы №41 мектеп-лицейінде «Сыбайлас жемқорлыққа жол жоқ» тақырыбында 5–6–7 сыныптар арасында сынып сағаттары өткізілді

А. Макаренко атындағы №41 мектеп-лицейінде оқушылардың құқықтық мәдениетін қалыптастыру, адалдық пен әділдік қағидаттарын дәріптеу және сыбайлас жемқорлыққа қарсы көзқарасты нығайту мақсатында 5, 6, 7-сынып оқушылары арасында «Сыбайлас жемқорлыққа жол жоқ» тақырыбында мазмұнды әрі тәрбиелік мәні зор сынып сағаттары ұйымдастырылды .

Іс-шара барысында оқушыларға сыбайлас жемқорлықтың қоғамға тигізетін кері әсері, заң алдындағы жауапкершілік, әрбір азаматтың адал өмір сүрудегі рөлі туралы кеңінен түсіндірілді . Түрлі өмірлік жағдаяттар талқыланып, бейнероликтер көрсетіліп, сұрақ-жауап арқылы пікір алмасу жүргізілді .

Сынып сағаттарының басты мақсаты – оқушылардың бойында әділдік, жауапкершілік, заңға құрметпен қарау сияқты құндылықтарды қалыптастыру, кез келген заңсыз әрекетке төзбеушілік көзқарас орнату және болашақта саналы да парасатты азамат тәрбиелеу болды .

Осындай тәрбиелік бағыттағы жұмыстар оқушылардың құқықтық сауаттылығын арттырып, адал қоғам қалыптастыру жолындағы түсінігін тереңдетуге ықпал етеді .