№41 мектеп-лицейінде Шымкент қаласы Білім басқармасының бастамасымен ұйымдастырылған «Таза Қазақстан» экологиялық акциясы аясында ашық сабақтар мен ағаш отырғызу шаралары өтті.

 «Таза Қазақстан» экологиялық акциясы өтті

Бүгін №41 мектеп-лицейінде Шымкент қаласы Білім басқармасының бастамасымен ұйымдастырылған «Таза Қазақстан» экологиялық акциясы аясында ашық сабақтар мен ағаш отырғызу шаралары өтті.

Іс-шараның негізгі мақсаты – оқушылардың экологиялық мәдениетін арттыру, қоршаған ортаны қорғау және табиғатқа жауапкершілікпен қарау дағдыларын қалыптастыру болды.

Акция барысында оқушылар мен мұғалімдер аула аумағын тазалап, жас көшеттер отырғызды. Бұл бастама – жас ұрпақтың туған жеріне деген сүйіспеншілігін арттыруға, табиғатты аялау сезімін оятуға бағытталған.

Осындай игі істер арқылы оқушылар қоршаған ортаны таза ұстаудың маңызын түсініп, табиғатты қорғауға өз үлестерін қосты.

 «Таза орта – таза болашақ» ұранымен өткен акцияға мектеп ұжымы белсенді қатысып, қаланың экологиялық мәдениетін дамытуға өз үлесін қосты.