Мектебіміздің ұстаздары мен оқушылары 18 қыркүйек күні ұйымдастырылған «Таза Қазақстан» жалпыұлттық акциясына белсене қатысты.

 Таза қала – таза ұрпақтың болашағы!

А.Макаренко атындағы №41 мектеп-лицейі ұстаздары мен оқушылары 18 қыркүйек күні ұйымдастырылған «Таза Қазақстан» жалпыұлттық акциясына белсене қатысты. Бұл бастама – мемлекетіміздің Президенті жариялаған экологиялық мәдениетті қалыптастыруға, әрбір азаматты қоршаған ортаны аялауға шақыратын маңызды шара.

Акция аясында мектепте бірқатар жұмыстар атқарылды:

Оқушыларға экологиялық тәрбие беру мақсатында сынып сағаттары өткізілді. Сабақ барысында табиғатты қорғау, жасыл аймақтарды сақтау, тазалық мәдениетін қалыптастыру жөнінде маңызды ойлар айтылды.

 Мектеп оқушылары арасында табиғатты қорғау мен тазалықты насихаттайтын сурет байқаулары ұйымдастырылып, жас таланттардың шығармашылық қабілеті шыңдалды.

 Сонымен қатар, тазалықты дәріптейтін, табиғатты аялауға үндейтін бейнероликтер дайындалып, әлеуметтік желілерде кеңінен таралды.

Бұл іс-шараның басты мақсаты – жас ұрпаққа туған жерді сүюді, табиғатты қорғауды үйрету және елді мекендерді таза ұстауға үлес қосуға баулу.