А.Макаренко атындағы №41 мектеп-лицейінде 9–10-сынып оқушылары арасында «Интернеттегі анонимдік жойылуы тиіс» тақырыбында пікірсайыс (дебат) өткізілді.

ҰШҚЫР ОЙ АЛАҢЫ                             

«Адал азамат» біртұтас тәрбие бағдарламасының «Ұшқыр ой алаңы» жобасы аясында А.Макаренко атындағы №41 мектеп-лицейінде 9–10-сынып оқушылары арасында «Интернеттегі анонимдік жойылуы тиіс» тақырыбында пікірсайыс (дебат) өткізілді.

Іс-шараның мақсаты – оқушылардың сыни ойлау қабілетін дамыту, интернеттегі қауіпсіздік мәселелерін талдау, өз көзқарасын ғылыми дәлелдермен қорғауға үйрету.

Пікірсайыс барысында оқушылар интернеттегі анонимділіктің пайдалы және зиянды тұстарын жан-жақты талқылады. Тараптар кибербуллингтің алдын алу, жеке деректердің қауіпсіздігін қамтамасыз ету, ақпараттық мәдениет және сөз бостандығы мәселелеріне тоқталып, әртүрлі көзқарастар ұсынды.

Іс-шара жоғары деңгейде ұйымдастырылып, оқушылар белсенділік танытты. Пікірсайыс оқушылардың ой еркіндігі мен пікір білдіру мәдениетін қалыптастыруға үлкен ықпал етті.