А.Макаренко атындағы №41 мектеп-лицейінде «Буллингке жол жоқ!» тақырыбында сынып сағаттары өткізілді.

 Буллингке жол жоқ!

А.Макаренко атындағы №41 мектеп-лицейінде «Буллингке жол жоқ!» тақырыбында сынып сағаттары өткізілді. Іс-шараның негізгі мақсаты – оқушылар арасында өзара құрмет пен қолдау мәдениетін қалыптастыру, буллингтің зорлық-зомбылықтың бір түрі екенін түсіндіру.

 Сабақ барысында оқушылар буллингтің вербалды, психологиялық және кибербуллинг түрлерімен танысып, оның зардабы мен алдын алу жолдарын талқылады.

 Оқушылар «Әр бала – қорғаныссыз емес», «Мейірімділік – адамдықтың белгісі» деген маңызды ойларды ортаға салып, өз пікірлерін білдірді.

 Сынып жетекшілері мен мұғалімдер балаларды бір-бірін қолдауға, жанашыр болуға және кез келген әділетсіздікке бейжай қарамауға шақырды.

⸻

 Қауіпсіз және мейірімді мектеп ортасын құру – баршамыздың ортақ міндетіміз!

Буллингке жол жоқ – мейірімділікке жол ашық!