20
қыркүйек
2025
№41 мектеп-лицейінің ұстаздары мен қызметкерлері жалпықалалық сенбілікке атсалысты
Бүгін А. Макаренко атындағы №41 мектеп-лицейінің ұстаздары мен қызметкерлері жалпықалалық сенбілікке атсалысты. “Таза Қазақстан” экологиялық акциясы аясында өткен бұл шараның басты мақсаты – туған қаламыздың тазалығын сақтау, қоршаған ортаны қорғауға үлес қосу және жас ұрпаққа табиғатты аялаудың үлгісін көрсету. 

Сенбілік барысында мектеп аумағы мен айналасы, көшелер мен қоғамдық орындар қоқыстан тазартылып, талдар түбіне күтім жасалды. Барлығы ұйымшылдықпен еңбек етіп, өз қаламыздың әсем келбетіне үлес қосты.
Осындай игі істер жастардың бойында туған жерге деген сүйіспеншілікті арттырып қана қоймай, ұжымдық бірлікті нығайта түсетіні сөзсіз. 

Таза орта – салауатты өмір кепілі. Бәріміз бірлесіп еңбек еткенде ғана шынайы нәтижеге жетеміз! 