5 июнь – Қоршаған ортаны қорғаудың халықаралық күні және Эколог күні

5 июнь – Қоршаған ортаны қорғаудың халықаралық күні және Эколог күні

Шымкент қаласы білім басқармасына қарасты №41 мектеп-лицейінде 5 июнь – Қоршаған ортаны қорғаудың халықаралық күні мен Эколог күніне орай экологиялық бағыттағы бірқатар іс-шаралар ұйымдастырылды.

Мероприятиедың басты мақсаты – оқушылардың экологиялық мәдениетін қалыптастыру, қоршаған ортаға деген жауапкершілігін арттыру және табиғатты қорғау құндылықтарын насихаттау болды.

Мектепте «Эколог сағаты» өткізіліп, оқушыларға табиғатты аялаудың маңызы, қоршаған ортаны қорғау жолдары, табиғи ресурстарды тиімді пайдалану және қалдықтарды сұрыптаудың қажеттілігі туралы кеңінен түсіндірілді. Сонымен қатар, тақырыптық көрмелер ұйымдастырылып, экологиялық бағыттағы танымдық жұмыстар жүргізілді.

«Таза Қазақстан» жалпыұлттық акциясы аясында білім алушылар мен педагогтер табиғатты таза ұстауға, су мен энергияны үнемдеуге және экологиялық жауапкершілікті арттыруға бағытталған бастамаларды қолдады. «Өзіңнен баста» экологиялық челленджі арқылы оқушылар қоршаған ортаға ұқыпты қараудың үлгісін көрсетті.

Табиғатты қорғау – әр азаматтың парызы. Сондықтан өскелең ұрпақтың бойында экологиялық сана мен табиғатқа жанашырлық қасиеттерін қалыптастыру – баршамыздың ортақ міндетіміз.

 Табиғатты аялау – болашақты ойлау!

 Таза орта – жарқын келешектің кепілі!