Мектебімізде 5 қазан – Ұстаздар күніне орай ерекше дәстүрге айналған жылы шара өтті. Таңертеңнен-ақ мектеп ауласы ерекше мерекелік көңіл күйге бөленді.

Ұстазға деген құрмет – ұлттың рухани байлығы

А.Макаренко атындағы №41 мектеп-лицейінде 5 қазан – Ұстаздар күніне орай ерекше дәстүрге айналған жылы шара өтті. Таңертеңнен-ақ мектеп ауласы ерекше мерекелік көңіл күйге бөленді.

Оқушылар ұстаздарын қуанышпен қарсы алып, қолдарына гүл шоқтарын ұстап, ыстық ықыласпен “Ұстаздар күнімен!” деп қарсы алды.

Мектеп дәлізінде көңілді әуен ойнап, оқушылар ұстаздарға арнап жылы тілектерін айтып, мерекелік флешмоб ұйымдастырды.

Бұл сәт ұстаздар қауымына ерекше әсер қалдырып, олардың жүздеріне қуаныш пен ризашылық нұрын сыйлады.

Мектеп ұжымы мен оқушылардың бірлескен дайындығы ұстаздарға деген шынайы сүйіспеншілікті айқын көрсетті.

Мұндай шаралар – ұстаз еңбегін қадірлеудің, ұрпақ бойында ізеттілік пен алғыс сезімін қалыптастырудың тамаша үлгісі болды.

Ұстазға құрмет – ұлттың ұлағаты!