ТЕОЛОГ МАМАНЫМЕН КЕЗДЕСУ

ТЕОЛОГ МАМАНЫМЕН КЕЗДЕСУ

А.Макаренко атындағы мектеп-лицейінде 

08.04.2024 ж

8/9/10/ сынып

 оқушыларымен Шымкент қаласы Діни істер басқармасы  ҚММ теолог маманы  Диана Нұржан қызы ақпараттық-түсіндіру жұмыстарын өткізді. Кездесу «Діни экстремизмнің алдын алу» деген тақырыпта өтті. Кездесуді ұйымдастырудағы мақсат - жастарды жалған діни ағымдардың арбауынан сақтандыру. Яғни, жалған діни ағымдарды дәстүрлі діндерден қалай ажыратуға болатындығы жөнінде буыны бекіп, бұғанасы қатпаған жас тәрбиеленушілерге жан-жақты түсіндіру.

Кездесу тәрбиленушілер мен теолог маман арасында диалог түрінде өтті. Дінтанушы-теолог маманның ішкі тұрақтылық пен дәстүрлі рухани құндылықтарға баса назар аудару керектігіне тоқталып өтті. Лектор қазiргi Қазақстандағы мемлекеттік -конфессиялық қарым-қатынастар туралы әңгiмеледi.

Лектор жастарды теріс ағымның жетегінде кетпес үшін, кез-келген ақпаратты алу үшін тек ресми сайттарды пайдалануға шақырды. Іс-шараның соңында оқушылар аталған тақырып бойынша өздерін қызықтырып жүрген сұрақтар қойып, қойған сауалдарына толыққанды жауап алды. Бұл кездесудің тәрбиелік маңызы зор болды.