«Таза Қазақстан» республикалық экологиялық акциясы аясында 2025 жылдың 23 тамыз күні жалпықалалық сенбілік ұйымдастырылды.

Бұл сенбіліктің басты мақсаты – қаламыздың аумағын қоқыстан тазарту арқылы тұрғындардың экологиялық мәдениетін арттыру және табиғатты қорғауға деген ортақ жауапкершілікті нығайту.... 

 Біз Әділетті, Таза әрі Қуатты Қазақстанды құрып жатырмыз. 

 Саяси жүйе толық жаңғырды. Ұлттық экономиканың жаңа бағдары айқындалды.

 Мемлекеттік қызметте меритократияқағидаты басты орынға шықты. Билікте де «отбасылық жүйе» жоқ.

Қазір елімізде рухы азат, ойы еркін ұрпақ өсіп келеді.

 Заңды сыйлау, тәртіпке бағыну қоғамның мызғымас қағидасына айнала бастады.

 Нағыз «Адал азамат» мектеп қабырғасында қалыптасады.

Білім саласындағы жетістіктер

2019 жылдан бері білім саласының бюджеті үш есе артты. 

1200 мектеп ашылды. «Келешек мектептері» ұлттық жобасы жүзеге асырылып жатыр ( 217 мектеп)

«Педагог мәртебесі туралы» арнайы заң қабылданды.

 «Қазақстанның еңбек сіңірген ұстазы» атағы белгіленді.

Мұғалімдердің жалақысы 2 есе өсті. Қазіргі таңда 500 мыңнан астам ұстазға үстеме ақы төленеді. 

Мұғалімдер өз міндетіне кірмейтін артық жұмыстан босатылды.

Мұғалімдердің жаңа толқынын даярлау және оқушылардың жетістіктері

Білім беру саласына 13 мыңнан астам грант бөлінді. 

Педагог мамандығы бойынша оқып жатқан студенттердің шәкіртақымв 84 мың теңгеге ұлғайды.

Жастардың мұғалім болуға ынтасы артып келеді. –Биыл 2 мыңнан астам үздік түлек ұстаз мамандығын таңдап отыр. 

Оқушыларымыз әлемдегі ең беделді жеті олимпиададан 27 медаль алды. 

Халықаралық олимпиадалардан 1 мыңға жуық медаль иеленді. 

Болашаққа бағдар

 Білім сапасын арттыру

 Ұстаздар ұдайы ізденіп, білімін жетілдіріп отыруы керек. 

 Балалардың оқуға зейінін ашатын әдіс-тәсілдерді жетік меңгерген абзал.

 Озық тәжірибені үйреніп, оны еліміздің болмысына бейімдеу керек.

 Тағы бір маңызды міндет – қала және ауыл мектебіндегі білім беру деңгейін теңестіру.

Тәрбиемен ұштасқан білім 

 Биылдан бастап барлық мектепте «Адал азамат» біртұтас тәрбие бағдарламасыіске қосылады. 

 «Отбасы – мектеп – мемлекет» үштігі үйлесімді болса, жақсы нәтижеге жетуге болады. «Таза Қазақстан» жалпыұлттық акциясы – осы бағыттағы нақты шараның бірі. 

 Мектеп өзара құрмет пен жанашырлыққа толы үйлесімді қоғамның үлгісі болуы керек. 

 «Заң мен тәртіп» қағидаты тәрбие жұмысының ажырамас бөлшегіне айналуға тиіс. 

 Нашақорлық пен лудомания, тұрмыстық зорлық-зомбылық, буллинг және бұзақылық сынды зиянды әдеттермен күресуде мұғалімдер айрықша рөл атқарады. 

 Соңғы екі жылда кәмелет жасына толмағандарға қатысты жасалған кез келген зорлық-зомбылық үшін берілетін жаза қатайды

 Барлық мектепте «111» психологиялық қолдау қызметінің QR-коды орнатылды. 

 Жаңа оқу жылынан бастап мектептер мен колледждерде әлімжеттікке, буллингке қарсы «ДосболLIKE» атты бағдарлама іске қосылады. 

 Цифрлық технологиялар мен жасанды интеллектіні енгізу 

 Қазақстан жаңа технологиялық дәуірге қадам басты. Инновация мен жасанды интеллект – прогресстің басты кілті. 

 Бүгінде еліміздегі мектептердің 95 пайыздан астамы жылдам интернетпен қамтылған. Мақсат –100 % жеткізу.

 Цифрландыру – әлеуметтік әділдіктіңмаңызды идеологиялық қағидаты.

 Балаларға жастайынан жасанды интеллект технологиясын оқытқан жөн. 

 Мұғалімдер де педагогикалық тәжірибеде жаңа технологияларды қолдана білуі керек. 

Ұстаздар құқығын қорғау

 Ұстаздардың өз міндетінен тыс жұмыстардан босату қажет.

 Прокуратура органдары мұндай заң бұзушылықтарға тосқауыл қоюы керек.

 Мектептен тыс жерде, ата-аналардың жауапсыздығынан оқыс оқиғаға мұғалімдерді жазалау орынсыз. 

 Президент «Педагог мәртебесі туралы» заңға ұстаз құқығын қорғау жөнінде өзгерістер енгізуді ұсынды.

Президент конференцияның ашылуында мұғалімдердің қоғамдағы рөліне ерекше тоқталып, «Ұстаз – ұлттың шамшырағы, мұғалім – мемлекеттік маңызы бар жұмысты атқарып жүрген тұлға» деп атап өтті.Қазақстанда жыл сайын тамыз айында өткізілетін дәстүрлі педагогикалық кеңес. Бұл жиынға барлық деңгейдегі ұстаздар, білім саласының қызметкерлері, ғалымдар мен министрлік өкілдері қатысады.

•Жаңа оқу жылына дайындықты талқылау.Білім беру жүйесіндегі жаңалықтар мен реформаларды түсіндіру.

Мұғалімдердің кәсіби дамуына бағыт беру.

Жыл бойы қол жеткізген жетістіктер мен кездескен мәселелерді саралау.

2025 жылғы конференцияда Қазақстан Республикасы Оқу-ағарту министрлігі мынадай негізгі бағыттарды белгілеп берді:

Министрлік ұсынған бағыттар.Құндылыққа негізделген білім оқушыларды адалдыққа, жауапкершілікке, еңбексүйгіштікке тәрбиелеу.Әр пән тек білім беріп қана қоймай, азаматтық қасиеттерді қалыптастыруға ықпал ету.Мұғалім мәртебесі Педагогтардың қоғамдағы беделі мен әлеуметтік жағдайын арттыруға бағытталған арнайы қарар қабылданатыны хабарланды.Мұғалімдердің жалақысы мен кәсіби қолдау жүйесі мемлекет назарында болатыны ерекше айтылды.

«Мұғалімнің құқығын қорғау мәселесі әрдайым басты назарда болуға тиіс. Мен сөз басында ұстаздардың өз міндетінен тыс жұмыстардан босатылғанын айттым. Бірақ, кейде жергілікті билік өкілдері заң талаптарын өрескел бұзып жатады. Прокуратура органдары мұндай заң бұзушылықтарға тосқауыл қоюы керек.Сондай-ақ балаларға қатысты кез келген жазатайым жағдай үшін де мұғалімді жазалау орынсыз деп санаймын. Мектептен тыс жерде, ата-аналардың жауапсыздығынан оқыс оқиға болса, оған ұстаз жауапты емес. Алматы облысында түлектер арасында болған қайғылы жағдай үшін директор мен мұғалімдер жауапқа тартылып, жұмыстан шығарылды.Түптеп келгенде, балалардың амандығы, олардың денсаулығы және сапалы білім алуы – еліміздің келешегіне тікелей қатысы бар мәселе»

Білім – баланың өмірлік жолындағы ең қымбат қазынасы. Осы мақсатта А.Макаренко атындағы №41 мектеп-лицейінде жазғы мектеп аясында болашақ 1-сынып оқушыларына арналған даярлық жұмыстары жүргізілуде.

Балалар әріптермен, сандармен танысып қана қоймай, ойлау қабілетін, логикасын, шығармашылығын дамытатын түрлі ойындар мен тапсырмалар орындайды. Сонымен қатар ұжымда жұмыс істеу, тыңдау, сұрақ қою, жауап беру дағдылары қалыптасуда.

Мұндай дайындық кезеңі – мектеп табалдырығын алғаш аттайтын кішкентай бүлдіршіндер үшін өзіне деген сенімділікті арттырып, жаңа ортаға тез бейімделуге көмектеседі.

Біздің басты мақсатымыз – әр баланың бойындағы мүмкіндікті ашу және білімге деген қызығушылығын ояту.

 Жаңа оқу жылы – жаңа белестердің бастауы!

“А.Макаренко атындағы №41 мектеп-лицейі” ұжымы “Күнделік” компаниясының арнайы Алғыс хатына ие болды!

 Электрондық журналды сапалы, уақтылы жүргізу және құжаттаманы жоғары деңгейде ұйымдастыру бағытында жүргізілген сараптама нәтижесі бойынша мектебіміз І орынға ие болды!

– Балаларды қорғау күні құтты болсын! Жас ұрпаққа тағылымды тәрбие, сапалы білім беріп, олардың бойына асыл қасиеттерді сіңіру – баршаға ортақ парыз. Мемлекет балалардың жан-жақты дамуына барлық жағдайды жасай береді. Әрбір бүлдіршіннің балалық шағы бақытты, болашағы баянды болсын! – деп жазды Президент Х әлеуметтік желідегі өзінің парақшасында. 

——————————————— 

Глава государства Касым-Жомарт Токаев поздравил с Днем защиты детей

– Поздравляю с Днем защиты детей! Воспитать подрастающее поколение, дать ему лучшие знания и привить высокие моральные качества – наш общий долг. Государство создает все условия для всестороннего развития детей. Желаю каждому ребенку счастливого детства и светлого будущего! – написал Президент на своей странице в социальной сети Х.

 1 Маусым – Халықаралық балаларды қорғау күні қарсаңында, 31 мамыр күні Шымкент қаласының әкімі Ғабит Әбдімәжитұлы Сыздықбеков білім мен тәрбиенің дамуына зор үлес қосып жүрген, республикалық және халықаралық деңгейдегі ғылыми жобалар мен пәндік олимпиадалардың жеңімпаздарын арнайы қабылдады.

 Аталған қабылдауға А.Макаренко атындағы №41 мектеп-лицейінің мақтаныштары — білім бәйгесінде оза шауып, қалалық, облыстық, республикалық деңгейде жоғары нәтижелерге қол жеткізген оқушыларымыз Есенгельдиева Алина мен Зайцева Ульяна да қатысты.

 Басқосу соңында қала әкімі оқушыларға 100 000 теңге көлеміндегі ақшалай сертификат пен Алғыс хат табыстап, ыстық лебізін білдірді.

 Бұл — жас дарындарымыздың тынымсыз еңбегінің, үздік білімге деген құштарлығы мен ұстаздарының кәсіби шеберлігінің жарқын көрінісі!

 Осындай жетістіктер – еліміздің ертеңі саналатын жас ұрпақтың болашағына деген сенімімізді нығайта түседі. Сонымен қатар, білімге ұмтылған шәкірттерімізге үлкен шабыт пен серпін береді.

 А.Макаренко атындағы №41 мектеп-лицейінің ұжымы және ата-аналар қауымы атынан Шымкент қаласының әкімі Ғабит Әбдімәжитұлына шынайы алғысымызды білдіреміз! Бұл кездесу – оқушыларымыз үшін үлкен құрмет әрі болашақта жаңа белестерге жетелейтін маңызды қадам болды деп сенеміз.

 Құрметті шәкірттеріміз, сіздерді шын жүректен құттықтаймыз!

Биік белестер мен жарқын жеңістер тілейміз!

Біліммен биіктеп, армандарыңыз асқақ болсын!

Шымкент қаласы білім басқармасына қарасты А.Макаренко атындағы № 41 мектеп-лицейінде оқушылардың азаматтық көзқарасын қалыптастыру, елге, жерге деген сүйіспеншілігін арттыру және құқықтық сауаттылығын дамыту мақсатында “Таза Қазақстан”, “Заң және тәртіп”, «Адал Азамат» тақырыптарында эссе байқауы өткізілді.

 Эссе жазу барысында оқушылар:

 Қоршаған ортаны қорғау мен экологиялық мәдениетті қалыптастырудың маңызын (“Таза Қазақстан”);

 Қоғамдағы тәртіп пен заңның рөлін, құқыққа бағынудың жауапкершілік екенін (“Заң және тәртіп”);

 Адалдық, әділеттілік және азаматтық жауапкершілік ұғымдарын (“Адал Азамат”) терең мазмұнда талдап, өз ой-пікірлерін шынайы жеткізді.

 Эсселерде оқушылар қоршаған ортаға бейжай қарамау, құқықтық тәртіпті сақтау және адал болу — әрбір азаматтың парызы екенін нақты мысалдар арқылы көрсете білді. Кейбір жұмыстарда отбасы тәрбиесі, өмірлік тәжірибе мен қоғамдағы әділеттілік мәселелері әсерлі баяндалды.

 Байқау жеңімпаздары:

 1–4 сыныптар арасында – 2 “Д” сынып оқушысы Мұхталханқызы Айлин

 5–9 сыныптар арасында – 9 “А” сынып оқушысы Жақыпбек Айша

 10–11 сыныптар арасында – 10 “А” сынып оқушысы Жұмахан Аймерек

Олардың шығармаларынан туған жерге деген сүйіспеншілік, заңға құрмет пен адалдыққа деген берік ұстаным анық байқалды.

 Байқау жас ұрпақтың азаматтық белсенділігін арттырып қана қоймай, олардың сыни ойлау қабілеті мен шығармашылық көзқарасын дамытуға ықпал етті.

 Осындай іс-шаралар – оқушылар бойында патриоттық сана мен азаматтық ұстаным қалыптастырудың маңызды құралы.